ताजा टाइम्स , सिन्धुपाल्चोक, १८ भदौ । सिन्धुपाल्चोकको मेलम्ची नगरपालिका-१३ मेलम्ची–जिरोकिलो सडक खण्डस्थित फटकशिला रातोपहरोमा फेरि पहिरो खसेको छ ।
पहिरो खस्दा हेलम्बु मार्ग फेरि अवरुद्ध भएको छ । लगातारको वर्षाले निरन्तर पहिरो खस्न थालेपछि सडक अवरुद्ध भएको हो ।
इलाका प्रहरी कार्यालय मेलम्चीका प्रहरी निरीक्षक टीकाराम राईका अनुसार लगातारको झरीका कारण पहिरो पन्छाउन सकिएको छैन । यद्यपि, वैकल्पिक बाटो प्रयोग गरेर आवातजावत भइरहेको छ । सिन्धुपाल्चोकमा १ असारमा बाढीपहिरोले मेलम्ची बजार बगाएको थियो । त्यसयता मेलम्ची क्षेत्रमा नियमित जसो बाढीपहिरो गइरहेको छ ।
सम्बन्धित समाचार
