यी हुन् ट्रुकलर चलाउँदा जान्नैपर्ने कुरा

३२ साउन, काठमाडौं । आफूलाई फोन गर्ने मान्छेको पहिचान, स्पाम कल ब्लकिङ तथा कल रेकर्डिङ लगायतका कामका लागि निकै उपयोगी एपको रुपमा रहेको ट्रुकलर विश्वमा २० करोड भन्दा धेरै मानिसले चलाउने गरेका छन् ।

यो एपले प्रयोगकर्ताहरुको फोनबुकबाट डेटाहरु लिएर राख्छ । यसको अर्थ तपाईँले आफ्नो फोनमा सेभ गर्नुभएका नम्बरहरु र त्यसमा उल्लेखित नामहरु पनि यसको डेटा हुन् । त्यसैले तपाइँले कसैको नाम नै गलत लेख्नुभएको छ, कुनै उपनाम दिनुभएको छ भने पनि कहिलेकाहीँ ट्रुकलरका लागि त्यहीँ गलत वा फरक नाम वा डाटा श्रोत बन्न सक्दछ । कलर आइडी मात्र होइन ट्रुकलरमा स्पामयुक्त कलहरुबारे जानकारी दिएर ब्लक गर्ने, कल, एसएमएस वा च्याट गर्ने, फोन कल रेकर्ड गर्ने लगायतका सुविधाहरु पनि उपलब्ध छन् ।