जब रेखाले तरकारीसँगै भोट पनि मागिन्

रेखाको घरदैलो कार्यक्रम कानेपोखरीको वयरवन चौकमा पुग्दा फरक देखियो । शनिबार रेखाले वयरवनमा व्यापारी साथै त्यहका मतदातासँग मत मागेकी थिइन । उनले वयरवनका एक तरकारी व्यवसायीसँग तरकारी खरिद गर्दै मत मागेकी हुन् ।
उनले शुक्रबार पनि पथरी बजारमा स्थानीय ब्यपारीहरुसँग मतदानको लागि अपिल गरेकी थिइन । थापाले मतदाता भेटघाटमा आमा-बुवालाई दोसल्ला ओडाएर सम्मान गर्नुको साथै उनिहरुको गुनासो समेत सुनेकी छन् ।

यस अघि जित हात पारेकाहरुले जताततै छिद्र छाडेको र त्यस्को उपचार गर्नु नै आफ्नो एजेन्डा रहेको थापाले बताएकी छन् । उनले भनिन ‘मेरो एजेन्डा के छ भनेर प्रश्न गर्नु हुन्छ । म तपाईहरुलाई प्रश्न गर्छु यसअघी तपाईहरुले जिताउनु भएकाहरुले कुन चाहिँ काम पुर्ण गरेका छन् र मैले नयाँ एजेन्डा ल्याउने ? सुरुमा भत्केका र छिद्र भएका ठाँउ टाल्नु छ । त्यो पूरा हुन दिनुस् । त्यस्पछी बाँकी एजेन्डा बनाउँला ।’

उनले पुराना पर्टी र नेतृत्वबाट वाक्क भएका मोरङ ३ का मतदानहरुमा यसपटक परिवर्तनको तीब्र इच्छा रहेकाले आफ्नो जित निश्चित भएको दाबी गरेकी छन् ।